Arrecensidura de su servìtziu Eolo

Màgini de littleonix, pigada de Pixabay
Sa mellus solutzioni po sa connessioni a Internet, ddu scieus totus, est sa fibra òtica chi permitit connessionis lestas meda, ma a dolu mannu no est a disponimentu in dònnia logu, creendi su chi ddi nant partzidura digitali (o digital divide), unu problema sèriu in unas cantu àreas de su mundu, in custus tempus innui totu si fait in lìnia. Alternativas chi nosi permitint de no abarrai chena arretza fintzas me si logus comenti biddas de monti nci-nd'at medas: satèllite, mòbili (3G/4G/5G) e, pruschetotu, banda larga mòbili comenti WiMAX e FWA/WLL. Eolo est unu de is frunidoris chi impreant una tecnologia FWA.
Etichette

WSL podit esecutai aplicatzionis cun interfaci gràfica

Màgini de CoxinhaFotos pigada de Pixabay

Po is chi no ddu connoscint, WSL (Windows Subsystem for Linux) est unu suta-sistema chi permitit de esecutai aplicatzionis po Linux in unu sistema Windows 10. Installendi-ddu est possìbili a impreai custus programas comenti chi fessint trastus po sa lìnia de cumandu chena depi impreai una màchina virtuali comenti VirtualBox o VMWare. A incumentzai de Windows 10 Build 21364 fintzas is programas cun interfaci gràfica ant a essi suportaus.

Su Rennu Auniu ponit a Alan Turing asuba a is 50£

Alan Turing - Màgini de sa Wikipedia

Sa Banca de Inghilterra at publicau su progetu po su billetu nou de banca de 50£, chi at a tenni sa màgini de Alan Turing, unu matemàticu de importu mannu e unu de is babus de s'informàtica. Su personàgiu dd'ant sceberau in su 2019 po arregordai su traballu suu me is campus de sa matemàtica e s'informàtica e po su contributu suu in sa vitòria in sa Segunda Gherra Mundiali po ai decifrau su còdixi Enigma de sa Germània.

Sighit sa petitzioni contras a sa guardiania biomètrica

Màgini de Republica pigada de Pixabay

"S'aconnoscimentu faciali podit e at a essi impreau contras a donniunu de nosu de is guvernus e is multinatzionalis" - Custa est sa presentada po sa petitzioni ofitziali a sa Cumissioni Europea "Torra a ti pigai sa faci" po su bandu de sa guardiania biomètrica e duncas contras a sa possibilidadi de essi connotu de sistemas automàticus aundisisiat s'agataus.

Su fogu at firmau unu servìtziu mannu de "cloud"

Màgini de su fogu, pigada de su profilu Twitter de is pompieris de Strasburgo

In su noti intra su 9 e su 10 de martzu me in Strasburgo su fogu at fatu dannu a unu centru de datus de unu de is prus frunidoris mannus de servìtzius de informàtica in sa nui (cloud computing). S'efetu de custu disacatu est chi unus cantu servìtzius e giassus web no funt a disponimentu in custas ùrtimas diis. Custu poita ca su fogu at spèrdiu una parti de is elaboradoris e is tènnicus ant dèpiu studai totu is àterus.

Vacinus contras a su COVID bèndius a scusi

Màgini de Markus Winkler de Pixabay

Un'artìculu in su blog de Kaspersky nosi fait sciri chi cun sa pandemia de COVID-19 est incumentzau unu mercau cuau in su web scuru (dark web) innui si bendint artìculus de protetzioni, comenti is mascareddas, e fintzas su vacinu, cun prètzius chi andant de 250$ a 1200$, o certificaus farsus de vacinu po is chi bolint biagiai chena ddu fai.

Impreai su Messenger de Facebook in Linux - 2

Franz in Mint Cinnamon

Eus giai biu comenti impreai su Messenger de Facebook in Linux gràtzias a un'estensioni de Pidgin. A dolu mannu, custa solutzioni nos'òbligat a renuntziai a sa parti manna de is funtzionalidadis de Facebook, comenti s'imbiu de fotografias, vìdeus, archìvius e messàgius de boxi, poita ca s'estensioni po Pidgin no ndi frunit suportu po imoi. Andaus a biri duncas àteras 3 solutzionis basadas apitzus de s'aplicatzioni Web ofitziali de Facebook.

Etichette