Meta torrat a impreai is datus tuus po s'IA sua

Meta at giai proau a impreai is datus de is impitadoris po s'annestru de s'Intelligèntzia Artifitziali sua, e imoi est torrendi a comunicai a is iscritus a Facebook e Instagram chi at a fai su pròpiu. Po chini custa cosa no ddi praxit, ddoi est sa possibilidadi de arrefudai su cunsensu e NO est sa de ddu scriri in sa bacheca de Facebook comenti calincunu, a su sòlitu, est faendi.

Is avisus funt arribendi a traessu de is notìficas aìnturu de su situ e via posta eletrònica.
Su messàgiu includit unu ligòngiu chi narat chi teneis su deretu de oponimentu. Faendi clic asuba a cussu ligòngiu at a cumparri unu formulàriu po pediri de s'oponni a s'impreu de is datus.

Bastat custu e eus a biri una cunfirma.