Meta AI est incumintzendi a chistionai sardu
Torraus a fueddai de Meta AI. Mentri fia scriendi s'ùrtimu artìculu, apo decìdiu de fai una proa cun su chatbot de Meta, a birri si cumprendiat su sardu. S'arresurtau est de interessu.
Web
Meta torrat a impreai is datus tuus po s'IA sua
Meta at giai proau a impreai is datus de is impitadoris po s'annestru de s'Intelligèntzia Artifitziali sua, e imoi est torrendi a comunicai a is iscritus a Facebook e Instagram chi at a fai su pròpiu. Po chini custa cosa no ddi praxit, ddoi est sa possibilidadi de arrefudai su cunsensu e NO est sa de ddu scriri in sa bacheca de Facebook comenti calincunu, a su sòlitu, est faendi.
Piracy Shield est unu fallimentu.. ma abarrat
Una pariga de diis a oi est bessiu a pillu chi Piracy Shield at blocau Google Drive in s'intentu de firmai cuddus situs chi permitint de castiai is partidas de palloni a in donu chena ndi tenni su deretu. Una faddina, certu, chi perou cuat unu problema prus mannu.
110 lìnguas noas po Google Translator, amancat su sardu
Ariseu, giòbia 27 de làmpadas 2024, Google at annuntziau s'arribu de 110 lìnguas noas a su tradutori suu, in unu cuntestu de arrichimentu de custu trastu famau cun s'impreu de mòllius chi impreant s'imparu automàticu e s'intelligèntzia artifitziali. Intra custas lìnguas nci ndi funt unas cantu de minoria, che su vènetu e su sitzilianu, ma àteras amancant, comenti su napoletanu e su sardu.
Facebook preparat s'IA sua, impreendi is datus tuus
A pagu a pagu, is impitadoris de Facebook funt arricendi unu messàgiu po ddis comunicai chi Meta at a impreai is datus insoru po addestrai is funtzionalidadis noas de intelligèntzia artifitziali. Bideus in curtzu ita bolit nai e ita podeus fai si sa cosa no si fait prexeri.
Una dii chena Bing, DuckDuckGo, ChatGPT e àterus
Ariseu, giòbia 23 maju de su 2024, est stètia una dii strana po is servìtzius web. Calincunu de bosàterus s'at a essi acatau chi servìtzius medas comenti a Bing, ChatGPT, DuckDuckGo, Yahoo! e Ecosia no fiant funtzionendi, ma si sinnalant fintzas problemas a Copilot, TeamViewer e àterus servìtzius.
Mozilla preparat un'arraxonu cun Sardware
Mozilla at annuntziau un'atòbiu cun is tradutoris sardus, chi s'at a fai su 28 de friaxu a is 18:00 (oràriu de Sardìnnia). S'at a arraxonai de argumentus vàrius, comenti s'importu de furriai unu programa in prus lìnguas e su raportu intra diversidadi e programas a còdixi abertu.
Houthi e Mari Arrùbiu: perìgulu nc'est po Internet?
De seguru totus eus lìgiu me is noas s'ameletzu de is Houthi de ndi segai is cavus de datus chi passant asuta de su Mari Arrùbiu e custu at ingendrau orròliu po su funtzionamentu de Internet.
In custu artìculu apu a spricai poita no si depeus orroliai tropu, circhendi de impreai unu linguàgiu chi potzant cumprendi fintzas is prus pagu espertus.
Giogaus cun su tradutori MinT a foras de Wikipedia
Eus biu una pariga de mesis a oi chi Wikipedia at postu a disponimentu unu tradutori nou, MinT, chi podit furriai su sardu in àteras lìnguas e vice versa e custu podit essi impreau po furriai pàginas de s'Enciclopedia Lìbera partendi de una basi fata in automàticu. Sigomenti apu giai chistionau de MinT faendi biri una pariga de esemprus si cumbidu a ligi s'artìculu po ndi sciri de prus. Su chi no sciia candu apu scritu cussu artìculu est chi MinT tenit fintzas su situ web suu, chi fait a impreai po furriai calisisiat testu e no sceti pàginas de Wikipedia, duncas podeus andai a nci giogai unu pagu cun prus libertadi.
Apertium podit tradusi de su sardu a s'italianu
Finas a pagus mesis a oi su sardu fiat che unu còdixi chi cumprendiaus sceti nosu chi dd'eus imparau in famìlia. Ddoi fiat sa possibilidadi de furriai s'italianu in sardu e custu agiudàt a creai pàginas de Wikipedia prus a sa lesta e fadiat fai is peus figuras a cuddus polìticus sardus chi si boliant fai bellus cun s'amparu de sa lìngua ma no si storbànt a dda imparai comenti si tocat. Po furriai de su sardu a un'àtera lìngua perou nci boliat amarolla una persona bona a fueddai ambas lìnguas.