Custas diis s'est arraxonendi meda de sa decisioni de Sony de abandonai de su totu is CD/DVD comenti a forma de publicai is giogus po sa PlayStation, passendi de su totu a su scarrigamentu digitali.

In su 2024 s'asienda Anthropic, chi svilupat s'intelligèntzia artifitziali Claude, at incumentzau unu progetu de annestu (o addestramentu) de s'IA chi impreàt lìburus de paperi, sciuscendi-ddus po ddus digitalizai prus a sa lesta. Custu progetu, chi dd'ant postu Progetu Panama, depiat abarrai segretu po sa timòria de una reatzioni negativa de su pùblicu ma est bessiu a pillu gràtzias a su Washington Post.

Sighint a serrai situs de noas, apustis de Wikinews. Custa borta tocat a Wired Italia, redatzioni italiana de sa revista spetzializada in tecnologia, e a una connoscèntzia bècia de is sardus: Tiscali Notizie.

De su 18 de friaxu de su 2027 is baterias de is dispositivus portàtilis depint essi fàcilis de cambiai pro s'impitadori, chena depi impreai trastus professionalis e malus a agatai. Ddu narat sa lei noa de s'Unioni Europea chi punnat, impari cun s'òbligu de disponibilidadi de is partis de ricàmbiu po 7 annus incumintzendi de sa data de cumertzializatzioni e de annoamentus de is programmas po 5 annos, a redusi su sperdìtziu de dispositivus ancora bonus e duncas a minorigai sa cantidadi de àliga de dispositivus elètricus e eletrònicus.

Si-nd'est arraxonau a tempus largus, ma a sa fini sa decisioni dd'ant liada e annuntziada de manera ofitziali: Wikinews (o Wikinoas) serrat.

Comenti sciit beni chini totu scriit in sardu, sa RAS nd'at bogau unus cantu trastus de importu chi teniat in lìnia, comenti su ditzionàriu de Màriu Puddu e su CROS (Curretore Regionale Ortogràficu Sardu), chi sa domu editora NOR at torrau apustis a ponni in lìnia - e ddi torraus gràtzias po custu. A dolu mannu, su CROS no funtzionat prus beni e tenit fintzas su problema chi est cosa bècia chi andat mali cun dispositivus mòbilis.

S'11 de martzu de su 2026 su Parlamentu Europeu at aprovau un'emendamentu de importu a sa lei chi iat a ai permìtiu s'averìguu po mèdiu de algoritmus de intelligèntzia artifitziali de is arraxonus privaus in is aplicatzionis de messageria. Custa lei, connota comenti Chat Control, iat sinnificai sa fini de sa riservadesa e sa possibilidadi de fini imbistigaus de sa giustìtzia po una faddina de s'IA.

Si-dd'apu contau in s'artìculu dedicau a Neocities: su web de fini annus 1990 e primus annus 2000 fiat diferenti meda de su de oi e totus boliant giai unu contributu a dd'amanniai aberendi unu situ po fueddai de interessus e passionis. Po ddu permiti, is frunidoris de atzessu a Internet donànt a is abonaus unu pagu de logu po carrigai is pàginas insoru: su spàtziu web. Tiscali fiat tra custus e funt stètias medas is personis chi nd'ant aprofitau. Acuntessit ancora oi difatis de agatai situs web.tiscali.it fueddendi de dònnia argumentu in sa circa in Google e àterus motoris.

Calincunu s'at a arregordai chi in su nùmeru 5 de sa revista de Ite Mi Contas apu publicau un'esempru de IA chi imparàt a fai sa summa de duus nùmerus. Nd'apu fueddau fintzas in custu artìculu. Impreendi sa pròpiu strutura po s'arretza neurali, apu preparau un'esempru de IA chi imparat a connosci is coloris e dd'apu fatu una bella interfaci, de manera chi totus dda potzant proai chena depi impreai cumandus scritus e cosas de aici.

Po cumprendi ita est NeoCities tocat a torrai una pariga de minutus a su web de is annus '90 e is primus 2000. Is giassus ddus scriiaus a manu in HTML o cun s'agiudu de un'editori visuali comenti Microsoft FrontPage o Namo WebEditor. No ddoi fiant is arretzas sotzialis: a su sòlitu si comunicàt cun is àterus impitadoris po mèdiu de chat o forum, chi is prus pagu espertus podiant agiungi a su situ gràtzias a ainas de servìtzius esternus. Is giassus fiant stàticus: nudda de cumentus, nudda de votus, perunu repicu a foras de is GIF animadas; fiant fatus pro spainai connoscimentu, no pro spassiai (sceti).