Est a disponimentu su Fairphone 4
Fairphone at annuntziau cun unu messàgiu de posta eletrònica s'arribu de sa versioni 4 de su telefoneddu suu.
Fairphone est su progetu po unu telefoneddu giustu e solidali, nàsciu in su 2013. Is telefoneddus Farphone funt fatus paghendi su cumpensu giustu a totu is traballadoris, tenendi in cunsideru is problemas de incuinamentu e càmbiu climàticu e faendi a manera chi su telefoneddu si potzat arrangiai ponendi a disponimentu is incueddus de cambiai.