Un esempru de IA, de aìnturu

In su nùmeru 5 de sa revista de Ite Mi Contas apu fueddau torra de IA e amostausu còdixi de un'arretza neurali simpri simpri chi apu scritu deu po fai a biri comenti funtzionat de aìnturu. Po comodidadi de su ligidori, e po chini dda bolit proai, dd'àpu carrigau in gitlab.

Is passus funt fàcilis. Una borta scarrigada, bolit compilada e mandada in esecutzioni. In Linux, is cumandus funt:

gcc ia.c -o ia
./ia

Su còdixi est totu cumentau de manera chi si cumprendat ita fait, ma po ndi sciri de prus, s'imbiu a s'artìculu in sa revista. Dd'agatais innoi: https://gitlab.com/esempros-sardumatica/simpre-ia

Si boleis imparai de prus in contu de s'argumentu, podeis proai, comenti esercìtziu, a cambiai s'operatzioni chi s'arretza imparat.

Po chini dda bolit proai in manera prus fàcili, apu preparau un'interfaci web de custa IA (torrada a scriri in beridadi in JavaScript).
In prus, s'invitu a intrai in custu artìculu po un'àteru esempru de impreu de s'IA, chi cumpartzu cun bosàterus.