Sa versioni 74 de su navigadori Mozilla Firefox po Windows, Linux e Mac est arribada ariseu e podit essi scarrigada de su giassu ofitziali.

Is novidadis funt medas. Andaus a biri is prus de importu.

Is circadoris de Positive Technologies ant scobertu una debilesa in is processoris Intel, chi ndi arruinat sa seguresa, permitendi de esecutai còdixi malu chi iat a podi fai dannus a su sistema o ndi furai datus segretus.

Sa ministra de sa finàntzia finlandesa, Katri Kulmuni, at propostu a s'Unioni Europea de svilupai unu sistema operativu e unu navigadori web suu. Sa motivatzioni ofitziali est a fai su continenti europeu mancu dèbili e arredusi sa dipendèntzia de pagus cumpangias.

Unas cantas aplicatzionis giai dda teniant e medas impitadoris dda abentànt po Whatsapp puru. Su blog ofitziali dd'at annuntziada su 3 de martzu.

Est de pagus diis a oi sa noa de s'arribu de s'anteprima de sa versioni 11 de su sistema prus famau po is telefoneddus inteligentis. Custa anteprima est a disponimentu de is svilupadoris, chi podint incumentzai a averguai su funtzionamentu de is aplicatziones insoru.

Apertium, po is chi no ddu scint, est unu tradutori automàticu cun lìnguas diferentis, su primu chi fùrriat s'italianu e atras lìnguas in sardu. Est unu trastu de utilidadi manna, integrau cun sa Wikipedia sarda puru po permiti sa bortadura automàtica de is pàginas.

Est cun meda prexei chi si presentu su primu diàriu de informàtica in sardu.

Sa primu cosa chi si serbit pro incumentzai a chistionai de informàtica est unu ditzionarieddu cun is prus fueddus de importu. Innoi si donaus sa definitzioni de is fueddus prus impreaus, cun unas cantu alternativas chi funt stètias propostas in custus annus.