Publicau Firefox 74

Sa versioni 74 de su navigadori Mozilla Firefox po Windows, Linux e Mac est arribada ariseu e podit essi scarrigada de su giassu ofitziali.

Is novidadis funt medas. Andaus a biri is prus de importu.

• Amellorada sa seguresa. Imoi TLS 1.2 est sa versioni mìnima arrecheta po una connessioni segura.
• Facebook container impedit a Facebook de sighiri sa navigatzioni de s'impitadori, amanniendi meda sa privadesa.
• Amelloradu su suportu pro funtzionalidadis noas de CSS e JavaScript.
• Curretzioni de faddinas de seguresa.