Linux, su nùcleu (kernel) chi at permìtiu sa creatzioni de unu nùmeru mannu de sistemas operativus, at fatu 30 annus. Sa versioni 0.1 sua est de su 1991, candu Linus Torvalds, chi insandus studiàt informàtica in s'Universidadi de Hèlsinki, iat incumentzau a scriri unu sistema operativu po sperimentai sa prataforma Intel 386 e poita ca fiat pagu cuntentu de su sistema Minix de su prof.Andrew S.Tanenbaum.
Comenti eus biu, Haiku est arribau a sa de tres versionis beta e comenti dònnia borta apu decìdiu de dda proai, innantis in una màchina virtuali e, si su funtzionamentu parit bastanti bonu, in un'ordinadori reali.
Apa a chistionai innoi de sa proa mia asuba de una màchina VirtualBox.
De Haiku eus giai chistionau innoi e in su diàriu de Bideas puru. Est su sistema operativu in svilupu cun sa punna de fruniri unu sistema cumpatìbili cun BeOS, lìberu, eficienti e fàcili de impreai e programai.
Tres diis a oi, su 25 de argiolas, est bessia sa de tres versionis beta. Beta, dd'aregordaus, bolit nai chi su sistema est cumpletu ma iat a podi tenni ancora calincuna faddina e duncas no est dessintotu prontu po s'impreu de dònnia dii.
Una pariga de diis a oi s'apu contau de is narìngius chi Microsoft fiat giai po annuntziai s'arribu de Windows 11. Custus contus fiant berus. Difatis, imoi scieus chi Windows 11 at a bessiri a s'acabu de su 2011/incumentzu de 2022. Andaus a biri is prus noas de importu.
S'est chistionendi meda me is ùrtimus diis de s'annùntziu de una versioni noa de Windows chi Microsoft iat a depi fai su 24 de làmpadas. No si sciit meda e segundu unus cantu narìngius no ddoi at essi una versioni noa, ma un'annoamentu mannu de Windows 10, chi dd'ant a nai Windows 10 Sun Valley, sighendi su stili de Mac OS X po is nòminis de sistema e pighendi elementus de un'àtera versioni cancellada de Windows, sa 10X. Comentisisiat, The Verge at publicau un'artìculu chi amostat unas cantu màginis de Windows 11 chi parint cunfirmendi chi Microsoft siat acanta de dd'annuntziai.
Po is chi no ddu connoscint, WSL (Windows Subsystem for Linux) est unu suta-sistema chi permitit de esecutai aplicatzionis po Linux in unu sistema Windows 10. Installendi-ddu est possìbili a impreai custus programas comenti chi fessint trastus po sa lìnia de cumandu chena depi impreai una màchina virtuali comenti VirtualBox o VMWare. A incumentzai de Windows 10 Build 21364 fintzas is programas cun interfaci gràfica ant a essi suportaus.
Eus giai biu comenti impreai su Messenger de Facebook in Linux gràtzias a un'estensioni de Pidgin. A dolu mannu, custa solutzioni nos'òbligat a renuntziai a sa parti manna de is funtzionalidadis de Facebook, comenti s'imbiu de fotografias, vìdeus, archìvius e messàgius de boxi, poita ca s'estensioni po Pidgin no ndi frunit suportu po imoi. Andaus a biri duncas àteras 3 solutzionis basadas apitzus de s'aplicatzioni Web ofitziali de Facebook.
CVE at sinnalau una debilesa grai meda in su cumandu sudo, su chi permitit de giai àterus cumandus comenti super-impitadori in sistemas GNU/Linux che Debian o Ubuntu. S'arriscu est mannu pruschetotu po is serbidoris Linux chi impreant su cumandu, poita ca abastat un'acessu simpri a su sistema po ponni in òpera un'atacu sfrutendi custa debilesa e pigai su controllu de s'elaboradori, comenti podeus biri in su vìdeu.
Po incumentzai, unu bellu annu nou a totus! S'annu inghitzat cun una noa bella. Su CROS (Curretore regionale
ortogràficu sardu), giai a disponimentu in lìnia e po OpenOffice/LibreOffice, gràtzias a su traballu de Sardware oi si podit impreai puru in Firefox comenti ditzionàriu po s'averìguu ortogràficu. Podit essi installau scarrighendi-ddu innoi.
Medas de nosu acostumant a imbiai e arriciri messàgius in Facebook ma no funt interessaus a tenni su situ o s'aplicatzioni de Facebook aberta e duncas impreant s'app Messenger, chi perou est a disponimentu sceti po Windows e cellularis. Ddoi fiat unu progetu de Messenger po Linux unus cantu annus a oi, ma no esistit prus. Po sorti, nc'est sa manera de assetiai un'àtera aplicatzioni po funtzionai comenti Messenger.
