Abrili 2020

Pìndulas: su processori

Micro-processori
Micro-processori AMD Mobile Sempron 3300+ cun frecuèntzia de 2Ghz. A manu dereta bideus is cuntatus elètricus chi funt impreaus po ddi fruniri currenti e po ddu collegai a sa memòria primària, a su relògiu e a atrus cumponentis de su sistema.

Su processori est su coru de s'architetura de calisisiat elaboradori e is caraterìsticas suas finint po influentzai is sceberus de is atrus cumponentis e fintzas de is programmas chi dd'ant a impreai.
Su traballu de su processori est de pigai is istrutzionis de unu programa e de ddas esecutai, fadendi is càrculus arrechetus.

Facebook at acetau de censurai is messàgius in Vietnam

censura - Gràtzias a OpenClipart-Vectors - PixabayNoas malas po sa libertadi de espressada me in Vietnam innui Facebook, a pustis de ai sunfriu pressionis de su stadu, at acetau de censurai is messàgius contra a su guvernu. Me is primus mesis de ocannu unus cantus serbidoris de sa retza sotziali fiant stètius studaus, limitendi sa disponibilidadi de sa prataforma po is usuàrius e su Vietnam iat incurpau Facebook de ai violau sa lei po sa ciber-seguresa, lassendi creai a is usuàrius messàgius anti-guvernu.

Etichette

Aptoide est stètia atacada

AptoideAptoide est una butega in lìnia de aplicatzionis po telefoneddus Android, alternativa Google Play Store, impreada de prus de 200 millionis de usuàrius.
Un'hacker (o, mellus, cracker) at publicau is minudas de 20 millionis de impitadoris, decrarendi de ndi tenni de prus de 39 milliones chi ant impreau s'aplicatzioni intra su 21 de argiolas/triulas 2016 e su 28 de gennaxu 2018.

Pìndulas: sa memòria

Memòrias
Genias diferentis de memòria.
De manu manca a manu dereta:
Memòria RAM, discu fissu, crai USB, discu DVD.

Sa memòria est unu de is cumponentis de fundamentu de unu calisisiat elaboradori, segundu is definitzionis de Turing e Von Neumann. Fintzas candu no si-nd'acataus, seus impreendi calincunu tipu de memòria, fintzas me is mini-carculadoris de busciaca. Difatis, su carculadori depit regordai a su mancu is datus de intrada po podi fai un'operatzioni e sa cantidadi de datus de regordai crescit cun sa cumplessidadi de is càrculus e fintzas de s'interfàtzia de impreu.
Ddoi at medas tipus de memòria e podint essi classificadas in maneras diferentis segundu s'impreu e is caraterìsticas tènnicas. Innoi bideus is prus de importu.

Fairphone, su telefoneddu èticu

FairphoneEis mai intèndiu chistionai de cumèrciu giustu? Mancai calincunu de bosatrus at comporau alimentus cun s'eticheta "Fair Trade" chi costant pagu prus de is atrus ma benint de unu processu de produtzioni chi respetat is traballadoris e s'ambienti. Fairphone, arribau a sa versione 3, bitit custu cuncetu a is telefoneddus.
Difatis, is telefoneddus Fairphone costant de prus, ma tenint unus cantus bantaxus asuba a is telefoneddus de atrus produsidoris.

Arribau ReactOS 0.4.13

ReactOSReactOS est lòmpiu a sa versioni 0.4.13.
Incumentzaus narendi ita est ReactOS, giai chi est sa prima borta chi ndi chistionu innoi. ReactOS est unu sistema operativu lìberu in svilupu, chi punnat a essi cumpatìbili cun is programas de Windows. Bolit essi duncas un'alternativa a Linux po is usuàrius chi bolint unu sistema lìberu ma sunt acostumaus o arrechedint Windows po traballai.
Su sistema impreat cumponentis de Wine po funtzionai e est ancora in stadu alpha. Bolit nai chi no est prontu a un'impreu diàriu po traballu o po domu.