seguresa

Unu situ web chene cookie? Eja, faghet

Màgini de kalhh, pigada dae Pixabay

In s'incumentzu de sa carriera mia de programmadore web mi praghiat a fàghere a manera chi is sitos mios funtzionarent bene finas chene JavaScript e chene cookie. Acontessiat fatu-fatu difatis chi unos cantu impitadores nde ddos istudarent pro resones de seguresa. A pustis de s'arribu de sa lege de is cookie (o testimòngios), su pensamentu miu est torradu a bàlere. S'informu obligatòriu in totu is sitos chi bisitamus est de su totu infadosu e pro chie non nde ischit de chistiones legales ddoe at semper s'arriscu de fàghere is cosas non cunforma a is règulas. Balet sa pena, duncas, de si domandare si est pretzisu de a beru a installare custos cookie.

Su "Iscenàriu Terminator" e sa pedida de blocare s'isvilupu de s'IA

Immàgine de geralt, pigada dae Pixabay

Inteligèntzia Artifitziale: nd'amus chistionadu meda in s'ùrtimu annu, che medas àteras publicatziones. In s'ùrtimu perìodu nd'intendimus ònnia die, prus che totu a pustis de sa publicatzione de is ùrtimas versiones de ChatGPT. S'isvilupu tecnològicu de oe est lòmpidu a resurtados ispantosos, a su puntu chi gente meda amegat de s'orroliare pro s'impreu chi s'umanidade nd'at a fàghere in su benidore. Un'ipòtesi estrema est su "Iscenàriu Terminator", chi unos cantos analistas ant elaboradu. Intre de custos ddoe at fintzas gente chi diat a tènnere interessu in s'isvilupu de s'IA, comente Bill Gates, Elon Musk e fintzas Sam Altman, fundadore de OpenAI, s'isvilupadore de ChatGPT.

Bòlidos blocados me is USA pro neghe de un'archìviu difetosu

Immàgine de Military_Material pigada dae Pixabay

S'11 de custu mese, ghennàrgiu 2023, su tràficu aèreu me is Istados Unidos est abarradu firmu pro unos 90 minutos. Sa resone est istada su blocu de su sistema de avisos a su personale de bòlidu (NOTAM, NOtice To AirMen). In s'incumentzu s'est pensadu a un'atacu de hacker.

Est acabadu oe su suportu pro Windows 7 e 8

Windows 8 in una tauledda. Immàgine de Csaba Nagy pigada dae Pixabay

Windows 7 est istada una versione de su sistema Microsoft istimada meda dae is impitadores, chi dd'ant bidu comente su sutzessore perfetu de Windows XP a pustis de su fallimentu de Windows Vista, publicadu in presse e tropu grae pro sa parte manna de is computeras chi esistiant insandus. Sa versione 8 no est istada amada che sa 7, ma mancu odiada che Vista. Est istada una versione de passàgiu in unu perìodu in ue Microsoft chircaiat de si pigare una parte de su mercadu in su mundu de is sistemas pro dispositivos mòbiles. Teniat duncas su bantàgiu de èssere lèbiu e lestru in s'aviu. Comente si siat, in su perìodu de Windows 7 e 8 is cumputadores bèndidos sunt istados medas, duncas s'11% de is elaboradores acapiados a sa retza impreant ancora sa versione 7 e un'àteru 3,59% impreant is versiones 8 e 8.1. Totu custos impitadores ant a fàghere bene a chircare un'alternativa, ca is sistemas issoro no ant a retzire prus annoamentos.

Immàgines PNG impreadas pro furare datos

Immàgine de Elchinator pigada dae Pixabay

Is chircadores de Avast, su produtore de unu de is prus antivirus famados de su mundu, ant publicadu un'articulu de interessu a pitzus de una tècnica impreada pro furare datos a aziendas de importu e de guvernu in Àsia. Sa cosa de interessu est chi su còdighe pro nde-ddos furare est cuadu in immàgines PNG che milliones de àteras chi s'agatant in Ìnternet.

Oe est sa die de su Cyber Polygon: ite acontesset?

Màgini de ItNeverEnds pigada de Pixabay

Intèndidu dd'aiais? Pàginas medas ant chistionadu de su chi diat a acontèssere oe chi incumentzat su Cyber Polygon. Medas de issas nd'ant chistionadu comente chi guvernos e cumpangias mannas esserent preparende·si a un'atacu informàticu a livellu mundiale. Dd'ant tzerriadu su "Reset Mannu". Non bos apensamentade: no est beru.

Su fogu at firmadu unu servìtziu mannu de "cloud"

Màgini de su fogu, pigada de su profilu Twitter de is pompieris de Strasburgo

In su note intre su 9 e su 10 de martzu in Strasburgo su fogu at fatu dannu a unu tzentru de datos de unu de is prus frunidores mannos de servìtzios de informàtica in sa nue (cloud computing). S'efetu de custu disacatu est chi unos cantos servìtzios e giassos web non sunt a disponimentu in custas ùrtimas dies. Custu pro ite ca su fogu at ispèrdidu una parte de is elaboradores e is tècnicos ant dèpidu istudare totu is àteros.

Iscoberta una debilesa grae in su cumandu sudo

CVE at sinnaladu una debilesa grae meda in su cumandu sudo, su chi permitit de dare àteros cumandos comente super-impitadore in sistemas GNU/Linux che Debian o Ubuntu. S'arriscu est mannu prus che totu pro is serbidores Linux chi impreant su cumandu, pro ite ca bastat un'atzessu simpre a su sistema pro pònnere in òpera un'atacu isfrutende custa debilesa e pigare su controllu de s'elaboradore, comente podimus bìdere in su vìdeu.

Is noas de Google Chrome 84

Logo ChromeGoogle at publicadu sa versione 84 de su navigadore suo, Chrome. Sa publicatzione est arribada tardu, comente pro totu is versiones a incumentzare dae sa 81, pro more de su traballu chi est andende prus a bellu in custu tempus de pandèmia. Is noas, in pari cun sa curretzione normale de faddinas, tocant sa seguresa e s'agiunta de funtziones noas.