Tiscali serrat Webspace
Bos dd'apo contadu in s'artìculu dedicadu a Neocities: su web de fine annos 1990 e primos annos 2000 fiat diferente meda de su de oe e totus boliant dare unu contributu a dd'ammanniare aberende unu situ pro faeddare de interessos e passiones. Pro ddu permìtere, is frunidores de atzessu a Internet donaiant a is abbonados unu pagu de logu pro carrigare is pàginas issoro: s'ispàtziu web. Tiscali fiat tra custos e sunt istètias medas is persones chi nd'ant aprofitadu. Acontesset ancora oe difatis de agatare sitos web.tiscali.it faeddende de onni argumentu in sa chirca in Google e àteros motores.
