Unas cantas dies a oe, Microsoft at sinnaladu de àere iscobertu una debilesa grae in aplicatziones Android de importu chi diat fàghere a impreare pro impestare milliones de telefoneddos cun programmas dannàrgios. A sa tècnica de atacu informàticu chi faghet profetu de custa debilesa dd'ant postu "Dirty Stream", (flussu brutu, o trasmissione bruta).
Is chircadores de Avast, su produtore de unu de is prus antivirus famados de su mundu, ant publicadu un'articulu de interessu a pitzus de una tècnica impreada pro furare datos a aziendas de importu e de guvernu in Àsia. Sa cosa de interessu est chi su còdighe pro nde-ddos furare est cuadu in immàgines PNG che milliones de àteras chi s'agatant in Ìnternet.
Est girende in custas dies unu malware chi s'est ispainadu a traessu de Linkedin e permitit a impitadores cun intentziones malas de pigare possedimentu de s'elaboradore. Andamus a bìdere ite fàghere pro si difèndere.
In custas dies est girende unu virus chi imbiat unu ligòngiu a is cuntatos de Messenger pregontende "Tue ses custu? Là ite apo agatadu". Faghende clic a subra a su ligòngiu biemus una pàgina chi paret sa domo de Facebook, pedende de insertare s'indiritzu de posta eletrònica e sa crae de intrada.
