April 2020

Pìndulas: su protzessore

Micro-protzessore
Micro-protzessore AMD Mobile Sempron 3300+ cun frecuèntzia de 2Ghz. A manu dereta bidimus is cuntatos elètricos chi sunt impreados pro ddi frunire currente e pro ddu collegare a sa memòria primària, a su rellògiu e a àteros cumponentes de su sistema.

Su protzessore est su coro de s'architetura de cale si siat elaboradore e is caraterìsticas suas finint pro influentzare is issèberos de is àteros cumponentes e fintzas de is programmas chi dd'ant a impreare.
Su traballu de su protzessore est de pigare is istrutziones de unu programma e de ddas esecutare, fadende is càrculos rechertos.

Facebook at atzetadu de tzensurare is messàgios in Vietnam

tzensura - Gràtzias a OpenClipart-Vectors - PixabayNoas malas pro sa libertade de espressada in Vietnam in ue Facebook, a pustis de àere sufridu pressiones dae s'istadu, at atzetadu de tzensurare is messàgios contra a su guvernu. In is primos meses de ocannu unos cantos serbidores de sa retze sotziale fiant istados istudados, limitende sa disponibilidade de sa prataforma pro is usuàrios e su Vietnam aiat incurpadu Facebook de àere violadu sa lege pro sa tziber-seguresa, lassende creare a is usuàrios messàgios anti-guvernu.

Etichetas

Aptoide est istada atacada

AptoideAptoide est una butega in lìnia de aplicatziones pro telefoneddos Android, alternativa Google Play Store, impreada dae prus de 200 milliones de usuàrios.
Un'hacker (o, mègius, cracker) at publicadu is minudas de 20 milliones de impitadores, decrarende de nde tènnere de prus de 39 milliones chi ant impreadu s'aplicatzione intre su 21 de argiolas/triulas 2016 e su 28 de ghennàrgiu 2018.

Pìndulas: sa memòria

Memòrias
Genias diferentes de memòria.
Dae manu manca a manu dereta:
Memòria RAM, discu fissu, crae USB, discu DVD.

Sa memòria est unu de is cumponentes de fundamentu de unu cale si siat elaboradore, segundu is definitziones de Turing e Von Neumann. Fintzas cando non si nd'acatamus, semus impreende calicunu tipu de memòria, fintzas in is mini-carculadores de butzaca. Difatis, su carculadore depet regordare a su mancu is datos de intrada pro pòdere fàghere un'operatzione e sa cantidade de datos de regordare creschet cun sa cumplessidade de is càrculos e fintzas de s'interfàtzia de impreu.
Ddoe at medas tipos de memòria e podent èssere classificadas in maneras diferentes segundu s'impreu e is caraterìsticas tècnicas. Inoghe bidimus is prus de importu.

Fairphone, su telefoneddu èticu

FairphoneAis mai intèndidu chistionare de cummèrtziu giustu? Mancari calicunu de bois àteros at comporadu alimentos cun s'eticheta "Fair Trade" chi costant pagu prus de is àteros ma benent dae unu protzessu de produtzione chi respetat is traballadores e s'ambiente. Fairphone, arribadu a sa versione 3, batit custu cuntzetu a is telefoneddos.
Difatis, is telefoneddos Fairphone costant de prus, ma tenent unos cantos avantàgios subra is telefoneddos de àteros produtores.

Arribadu ReactOS 0.4.13

ReactOSReactOS est lòmpidu a sa versione 0.4.13.
Incumentzamus narende ite est ReactOS, giai chi est sa prima borta chi nde chistionu inoghe. ReactOS est unu sistema operativu lìberu in isvilupu, chi punnat a èssere cumpatìbile cun is programmas de Windows. Bolet èssere duncas un'alternativa a Linux pro is usuàrios chi bolent unu sistema lìberu ma sunt acostumados o recherent Windows pro traballare.
Su sistema impreat cumponentes de Wine pro funtzionare e est ancora in istadu alpha. Bolet nàrrere chi no est prontu a un'impreu diàriu pro traballu o pro domo.