Eus saludau s'annu 2021 cun una versioni noa de ReactOS, publicada su 16 de su mesi de idas. De ReactOS eus giai chistionau candu nd'ant publicau sa versioni passada: est unu sistema operativu lìberu in svilupu chi punnat a essi dessintotu cumpatìbili cun Microsoft Windows.
De Haiku eus giai chistionau innoi e in su diàriu de Bideas puru. Est su sistema operativu in svilupu cun sa punna de fruniri unu sistema cumpatìbili cun BeOS, lìberu, eficienti e fàcili de impreai e programai.
Tres diis a oi, su 25 de argiolas, est bessia sa de tres versionis beta. Beta, dd'aregordaus, bolit nai chi su sistema est cumpletu ma iat a podi tenni ancora calincuna faddina e duncas no est dessintotu prontu po s'impreu de dònnia dii.
Sa scuadra de Sardware at agiudau a bortai su situ web de s'Initziativa Citadina Europea #FreedomToShare, po legalizai sa cumpartzidura de archìvius. Firmai innoi: https://freesharing.eu/sc/. Sa cumpartzidura de cultura est de profetu po totu sa sotziedadi!
Medas de nosu acostumant a imbiai e arriciri messàgius in Facebook ma no funt interessaus a tenni su situ o s'aplicatzioni de Facebook aberta e duncas impreant s'app Messenger, chi perou est a disponimentu sceti po Windows e cellularis. Ddoi fiat unu progetu de Messenger po Linux unus cantu annus a oi, ma no esistit prus. Po sorti, nc'est sa manera de assetiai un'àtera aplicatzioni po funtzionai comenti Messenger.
S'arregordais de Fairphone, su telefoneddu èticu?
Ariseu ant annuntziau chi su sistema /e/ est a disponimentu po s'ùrtima versioni de su telefoneddu, Fairphone 3.
ReactOS est lòmpiu a sa versioni 0.4.13.
Incumentzaus narendi ita est ReactOS, giai chi est sa prima borta chi ndi chistionu innoi. ReactOS est unu sistema operativu lìberu in svilupu, chi punnat a essi cumpatìbili cun is programas de Windows. Bolit essi duncas un'alternativa a Linux po is usuàrius chi bolint unu sistema lìberu ma sunt acostumaus o arrechedint Windows po traballai.
Su sistema impreat cumponentis de Wine po funtzionai e est ancora in stadu alpha. Bolit nai chi no est prontu a un'impreu diàriu po traballu o po domu.
Si-ddu arregordais a Clippy, s'assistenti de is versionis de Microsoft Office de sa 97 a sa XP? Po calincunu fiat de utilidadi e fintzas spassiosu, ma po sa parti manna de is usuàrius fiat infadosu, cun is animatzionis e is cunsillus suus a sighidura. De sòlitu, finiant po ddu cuai.
Totus scieus chi su progetu GNU bolit svilupai unu sistema operativu lìberu po is elaboradoris e a custu obietivu est lòmpiu cun is distributzionis GNU/Linux, pruschetotu cun is chi tenint programas lìberus sceti, che gNewSense e pagus atras.
