Fintzas sa "Immuni spanniola" est unu fallimentu

A sa genti is app de sighidura de is cuntatus no praxint. Dd'eus cumprèndiu cun Immuni chi, mancai sa segunda aundada apat cumbintu prus genti a dda scarrigai, sighit a essi unu fallimentu, comenti at arregordau puru su programa TV Otto e mezzo de su 22/12/2020. Duncas custas aplicatzionis chi iant a depi sinnalai is cuntatus cun personis impestadas de su Coronavirus nou (SARS-CoV-2) responsàbili de sa COVID-19 no funt donendi s'agiudu sperau.

In Spànnia is cosas no andant mellus po "Radar Covid", s'aplicatzioni chi cumprit sa pròpiu funtzioni. A inghitzu de su mesi de Idas dd'iat scarrigada sceti su 14,4% de sa populatzioni, unu nùmeru chi no abastat po dda fai funtzionai comenti progetau.

Is arraxonis de custu fallimentu no funt diferentis de is de s'app italiana Immuni o de totu is aplicatzionis a livellu locali, che Sardegna Sicura e Sicilia Sicura, e fintzas is app natzionalis de àterus paisus: problemas tènnicus e organizativus a s'inghitzu de s'impreu e, pruschetotu, is pensamentus po sa privadesa e po atacus malware a s'aplicatzioni, chi comenti at nau puru su servìtziu de Report "Il cavallo di Troia", no funt dudas de pagu contu.

Fontis:

Etichette

Covid-19

app

immuni

Coronavirus

Cumenta

Categorias

Programas po telefoneddu