riservadesa

Sa Cina impreat s'app anti-Covid po blocai una manifestada

Màgini de mohamed Hassan, pigada de Pixabay

Su chi genti meda timiat candu at intèndiu chistionai po sa primu borta de s'app contra a sa COVID-19 est acuntèssiu in Cina: su guvernu at impreau su programa po blocai a personas medas chi fiant ponendi-sì in biàgiu po manifestai contra a sa banca printzipali de su paisu.

Stracia Twitter po sa critografia de is tzarras

Màgini de Tumisu, pigada de Pixabay

Una campànnia noa, ligada a cussa contras a sa guardiania biomètrica, est incumentzada.
Narat s'annùntziu:

Noas fuidas amostant chi sa proposta noa po una ‘Lei po cuntrastai a beru is abusus sessualis de pipius’ de sa UE iat a obligai is asiendas tennològicas a fichetai me is arraxonus privaus de totus, oblighendi-ddas a speculitai is comunicatzionis privadas.

Si custu est berus, iat a essi sa fini de sa codìfica puntu-puntu chi apoderat sa segretesa de is messàgius e de is arraxonus de boxi me is aplicatzionis che Whatsapp, Telegram e àteras. Dònnia arraxonu iat a essi averiguau cun sa pèrdida de su deretu nostu a sa privatesa e cun s'arriscu de essi sinnalaus comenti criminalis sceti po unu fueddu sballiau.

Duus passus ainnantis apitzus de sa guardiania biomètrica

Màgini de StockSnap pigada de Pixabay

Comenti apu spricau prus bortas in custu diàriu, sa spainadura de is tecnologias de inteligèntzia artificiali est creendi unus cantu problemas a sa privatesa nosta, sendi chi cun s'impreu insoru bessit prus fàcili a sighi s'atividadi de is personis, in lìnia e in sa vida reali. Sa rivista Wired chistionat de duas noas chi si faint sperai chi is pràticas de sighidura digitali acabint o assumancu siant redùsias.

Spotify e sa tecnologia sua po "ligi" is emotzionis

Logo de Spotify. Màgini de MIH83 pigada de Pixabay

Spotify est unu servìtziu impreau meda po ascurtai mùsica in lìnia me is ùrtimus annus. Unas cantu funtzionis suas funt praxas meda a is impitadoris, comenti sa creatzioni automàtica de listas de ascurtu personalizadas, cun un'algoritmu chi imparat su gustu de s'ascurtadori. Una funtzioni noa, mai impreada po imoi ma in cursu de brevetu, at giai mòviu is chèscias de Access Now, un'assòtziu po s'amànniu de is deretus tzivilis digitalis.

Stracia Twitter contras a sa guardiania biomètrica

Màgini de Tumisu pigada de Pixabay

Arregordais sa campànnia "Torra a ti pigai sa faci" contras a sa guardiania biomètrica?
Sa chèscia paxiosa contras a custa violatzioni de sa privatesa sighit e pedit oi de incumentzai una Stracia Twitter (narant issus Twitter Storm) cun s'ocasioni de un'atopu de su Cunsillu de Tecnologia e Cumèrciu (Technology and Trade Council).

Sighit sa petitzioni contras a sa guardiania biomètrica

Màgini de Republica pigada de Pixabay

"S'aconnoscimentu faciali podit e at a essi impreau contras a donniunu de nosu de is guvernus e is multinatzionalis" - Custa est sa presentada po sa petitzioni ofitziali a sa Cumissioni Europea "Torra a ti pigai sa faci" po su bandu de sa guardiania biomètrica e duncas contras a sa possibilidadi de essi connotu de sistemas automàticus aundisisiat s'agataus.

Sa petitzioni contras a sa guardiania biomètrica

Telecàmera de guardiania - Màgini de Peggy und Marco Lachmann-Anke de Pixabay

"In totu s'Europa is fortzas de politzia, autoridadis localis e asiendas privadas funt spraxendi a scusi tecnologias sperimentalis e forrogadoras chi sighint, analisant e mudant a ogetus is facis nostas e is corpus nostus candu nosi moveus in is logus pùblicus. Custus ùrtimus funt de difendi, po chi in issus is deretus nostus, is libertadis nostas e is comunidadis nostas siant amparaus."
Custa est s'introdutzioni a sa petitzioni "Torra a ti pigai sa faci" po pediri de proibiri sa guardiania biomètrica, impreada in calincunu logu e pranificada o sperimentada in àterus. Cun custa genia de guardiania is sistemas informàticus podint connosci is caras de donniunu de nosu e arregistrai is movimentus nostus, mancai sinnalendi-ddus a is autoridadis candu su sistema ddus classìficat che "atividadi assumbrida".

Aptoide est stètia atacada

AptoideAptoide est una butega in lìnia de aplicatzionis po telefoneddus Android, alternativa Google Play Store, impreada de prus de 200 millionis de usuàrius.
Un'hacker (o, mellus, cracker) at publicau is minudas de 20 millionis de impitadoris, decrarendi de ndi tenni de prus de 39 milliones chi ant impreau s'aplicatzioni intra su 21 de argiolas/triulas 2016 e su 28 de gennaxu 2018.