Apertium, po is chi no ddu scint, est unu tradutori automàticu cun lìnguas diferentis, su primu chi fùrriat s'italianu e atras lìnguas in sardu. Est unu trastu de utilidadi manna, integrau cun sa Wikipedia sarda puru po permiti sa bortadura automàtica de is pàginas.

Est cun meda prexei chi si presentu su primu diàriu de informàtica in sardu.

Apu pensau chi sa prima cosa chi si serbit po incumentzai a chistionai de informàtica est unu fueddarieddu cun is fueddus prus de importu, giai chi si seus acostumaus a impreai sa terminologia italiana e inglesa. No bollu fai unu fueddàriu italianu-sardu o inglesu-sardu, ca candu si chistionat una lìngua tocat a essi bonus a giai definitzionis in cussa lìngua etotu.