BOINC

Amus giai chistionadu de Rosetta@home e su contributu suo a sa chirca pro gherrare contra a su Coronavirus. Cun una nota de pagas dies a oe, ant annuntziadu chi custu agiudu sighit cun s'istùdiu, pro mèdiu de su càrculu distribuidu, de s'interatzione intre su virus e is proteinas. In prus, su progetu essit prus ricu, cun sa disponibilidade de su programma de càrculu pro sa prataforma Linux-ARM.

Totus, in una manera o in s'àtera, semus contribuende a gherrare contra custa pandèmia, chie ocupende·si de is malàidos, chie donende carchi soddu a su prontu sucursu e chie abarrende in domo pro evitare casos noos.