Samsung firmat s'annoamentu a Android 10 po S'A70
A pustis de unus cantus problemas cun is telefoneddus A70, Samsung at dèpiu firmai s'annoamentu de su sistema operativu Android a sa versioni 10. Una parti de is usuàrius at tentu problemas mannus, cun telefoneddus chi signalànt sa bateria cumenti scàrriga e non s'alluiant prus. A cantu parit sa parti manna de is problemas sunt stètius signalaus de is Paisus Bàscius.
Su problema parit dèpidu a su circùitu integrau chi controllat sa càrriga de sa bateria. S'annoamentu cambiàt su firmware de custu circùitu etotu, ma sa versioni noa no fiat cumpatìbili cun parti de is processoris montaus de custu mollu de telefoneddu. Samsung at a depi studiai una solutzioni po custu problema a in antis de torrai a ponni a disponimentu custa versioni noa.
Categorias
Cumenta