Aptoide est stètia atacada

Aptoide est una butega in lìnia de aplicatzionis po telefoneddus Android, alternativa Google Play Store, impreada de prus de 200 millionis de usuàrius.
Un'hacker (o, mellus, cracker) at publicau is minudas de 20 millionis de impitadoris, decrarendi de ndi tenni de prus de 39 milliones chi ant impreau s'aplicatzioni intra su 21 de argiolas/triulas 2016 e su 28 de gennaxu 2018.

Sa violatzioni de is contus de is impitadoris est una faina sèria, ca is datus furaus includint nòminis, indiritzus de posta eletrònica e atras minudas identificativas.

Sa sotziedadi chi svilupat s'aplicatzioni at decrarau in su diàriu cosa sua de sciri de unu probàbili atacu, ma chi is basis de datus insoru no cuntenint datus personalis de is impitadoris. In s'ìnteris chi funt studiendi su problema, is iscritzionis a s'app funt stètias serradas e a is impitadoris at a essi pediu de cambiai sa crai de intrada, po arrexonis de seguridadi.