Aptoide est istada atacada

Aptoide est una butega in lìnia de aplicatziones pro telefoneddos Android, alternativa Google Play Store, impreada dae prus de 200 milliones de usuàrios.
Un'hacker (o, mègius, cracker) at publicadu is minudas de 20 milliones de impitadores, decrarende de nde tènnere de prus de 39 milliones chi ant impreadu s'aplicatzione intre su 21 de argiolas/triulas 2016 e su 28 de ghennàrgiu 2018.

Sa violatzione de is contos de is impitadores est una faina sèria, ca is datos furados includent nùmenes, indiritzos de posta eletrònica e àteras minudas identificativas.

Sa sotziedade chi isvilupat s'aplicatzione at decraradu in su diàriu cosa sua de ischiere de unu probàbile atacu, ma chi is bases de datos issoro non cuntenent datos personales de is impitadores. In s'ìnteri chi sunt istudiende su problema, is iscritziones a s'app sunt istadas serradas e a is impitadores at a èssere pedidu de cambiare sa crae de intrada, pro resones de seguridade.