Rosetta@home sighit sa circa contra a su COVID-19

Eus giai chistionau de Rosetta@home e su contributu suu a sa circa po gherrai contra a su Coronavirus. Cun una nota de pagas diis a oi, ant annuntziau chi custu agiudu sighit cun su stùdiu, po mèdiu de su càrculu distribuiu, de s'interatzioni intra su virus e is proteinas. In prus, su progetu bessit prus arricu, cun sa disponibilidadi de su programa de càrculu po sa prataforma Linux-ARM.

Narat s'annùntziu:

Cun sa recenti epidèmia de COVID-19, R@h est stètiu impreau po previdiri sa strutura de proteinas de importu po sa mobadia e po produsi mini-proteinas noas stàbilis de impreai che a potentzialis ainas terapèuticas e diagnòsticas.

S'annùntziu cumpletu in lìngua inglesa cun prus detàllius tènnicus ddu agatais innoi.