Google at dispididu a s'ingennieri de LaMDA

Bos dda regordades LaMDA, s'inteligèntzia artifitziale de Google chi un'ingennieri chi ddoe fiat traballende naraiat chi fiat essende sentimentosa? Google, a sa fine, at dispididu a cussu ingennieri, Blake Lemoine, in manera definitiva.

Sa noa a nàrrere sa beridade est de unu mese a oe, ma mi pariat giustu a nde chistionare, mancari tardu, pro non lassare s'istòria a metade. S'annùntziu dd'at dadu Google etotu a is noas de Big Technology e nd'ant chistionadu luego diàrios medas e àteras publicatziones.

Narat Google chi arròlios de custa ratza ddos pigat in sèriu e chi custa borta puru ddos ant averiguados espertos de inteligèntzia artifitziale, ma non ddoe at nissuna proa chi un'inteligèntzia artifiziale, mancari avantzada meda, possat essire sentimentosa de a berus. Segundu is decraradas de Google, sa dispidida de Lemoine non si depet a is arròlios suos, ma a su fatu chi apat violadu is acòrdios de riservadesa de sa sotziedade.

Sinnalo un'intervista de interessu a Lemoine, pro cumprèndere mègius su pensamentu suo.