Telegram Premium est arribbadu

Telegram, lòmpidu dae pagu a 700 milliones de impitadores, tenet immoe una versione Premium a pagamentu, che a àteros servìtzios.
Totu su chi fiat in donu at a abarrare de aici: sa diferèntzia cun sa versione Premium est chi cando in sa versione in donu ddoe at càncua genia de lìmite, in sa versione Premium custu lìmite est dòpiu. Pro esempru, is impitadores Premium podent iscambiare archìvios finas a 4GB imbetzes de 2GB.

Is àteros lìmites chi sunt dòpios pro is impitadores Premium sunt is grupos chi si podent sighire: 500/1000, is tzarradas apicadas: 5/10, is ligòngios pùblicos t.me/nòmine: 10/20 e is GIF sarvadas: 200/400. In prus, sa versione in donu at a ammustrare publitzidade me is canales pùblicos, chi sa versione Premium at a cuare.
Su costu pro totu custu est de $4.99 pro mese. At a èssere de interessu a castiare is istatìsticas de cantos ant a pagare pro totu custu.

S'immàgine de s'artìculu benit de Telegram.org