cms

Est a disponimentu sa versione noa de Drupal, sistema de manìgiu de su càbidu chi est impreadu puru pro custu diàriu.
Custa versione est istada publicada su 4 de làmpadas in pari cun sa versione 8.9.0, chi dd'assimìgiat e chi at a èssere suportada fintzas a Donniasantu 2021, arritzende is annoamentos de seguridade, pro dare a is impreadores su tempus de colare a sa 9 sena presse.

Deo so a tesu, ma isco chi bois àteros seis acorrados in domo, duncas si bògio donare calicuna cosa prus longa de su sòlitu de lèghere pro custu fine de chida! Giai chi su tema est s'informàtica, mi paret bellu a fàghere un'artìculu chi chistionet de is issèberos chi apo fatu pro publicare custu diàriu.