Drupal 9.0.0

Est a disponimentu sa versioni noa de Drupal, sistema de manìgiu de su càbidu chi est impreau puru po custu diàriu.
Custa versioni est stètia publicada su 4 de làmpadas impari cun sa versioni 8.9.0, chi dd'asimbillat e chi at essi suportada fintzas a Donniasantu 2021, arricendi is annoamentus de seguridadi, po giai a is impreadoris su tempus de colai a sa 9 chena pressi.

Sa diferèntzia prus manna est chi is funtzionis noas ant a essi agiuntas a sa versioni 9 sceti. Duncas, is estensionis e is temas chi funtzionant in sa versioni 8.9 ant a funtzionai cun sa 9, ma a bellu a bellu custa si nd'at a stesiai de sa bècia. Is càmbius prus de importu in sa versioni 9 funt:

• Su còdixi disaprobau est stètiu burrau
• Is dipendèntzias funt stètias annoadas
• Est arrecheta una prataforma prus noa (es: versioni PHP 7.3 o prus arta)

Un'elencu prus cumpriu de is noas est me is notas de publicatzioni.