De oi DuckDuckGo chistionat sardu!

Si annùntziu cun prexeri mannu chi incumentzendi de oi, sa lìngua sarda est a disponimentu po su motori de circa DuckDuckGo chi s'apu giai presentau. Po custa furriadura in sardu apu donau un'agiudeddu deu puru, ma depeus torrai gràtzias a sa truma de Sardware, chi at fatu sa parti manna de su traballu. Sighint is istrutzionis po cambiai sa lìngua.

1. Fadei clic asuba a su butoni in artu a manu dereta cun is tres linieddas.
2. Sceberai "Altre impostazioni"/"Other Settings".
3. In sa pàgina de is cunfiguratzionis agatai "Lingua"/"Language".
   Bidei imàgini asuta. Circai e sceberai "Sardu".
4. Fadei clic asuba a "Salva e Esci"/"Save and exit".
5. Fatu. De imoi su motori de circa est in sardu.