Scoberta debilesa de is sistemas Windows

Microsoft at annuntziau chi est stètia scoberta una debilesa po is sistemas Windows suus suportaus, duncas Windows 8.1, 10, Server 2019 e atrus. Sa debilesa est in sa libreria Windows Adobe Type Manager Library, impreada po manigiai tipus de caràtere de Adobe. Ciber-criminalis podint mudai unu tipu de caràtere Type 1 PostScript po esecutai còdixi malu in is elaboradoris chi impreant custa libreria. 

Po imoi, non ddoi at curretzionis po custa vulnerabilidadi. Cumenti a su sòlitu, is mellus maneras po no arriscai dannus e violatzionis de su sistema est a impreai sistemas bonus de protetzioni contra a is programas malus (anti-virus), no scarrigai archìvius de situs pagu fidaus e no aberri alliongiaus de sa posta eletrònica candu s'imbiadori no est fidau chena duda peruna. Microsoft cunsillat fintzas de disativai sa libreria Webclient, sa libreria ATMFD.DLL e is pannellus de anteprima e detàllius.