Iscoberta debilesa de is sistemas Windows

Microsoft at annuntziadu chi est istada iscoberta una debilesa pro is sistemas Windows suos suportados, duncas Windows 8.1, 10, Server 2019 e àteros. Sa debilesa est in sa libreria Windows Adobe Type Manager Library, impreada pro manigiare tipos de caràtere de Adobe. Ciber-criminales podent mudare unu tipu de caràtere Type 1 PostScript pro esecutare còdighe malu in is elaboradores chi impreant custa libreria. 

Pro immoi, non ddoe at curretziones pro custa vulnerabilidade. Comente a su sòlitu, is mègius maneras pro no arriscare dannos e violatziones de su sistema est a impreare sistemas bonos de protetzione contra a is programmas malos (anti-virus), no iscarrigare archìvios dae sitos pagu fidados e no abèrrere alliongiados dae sa posta eletrònica cando s'imbiadore no est fidadu sena duda peruna. Microsoft cussìgiat fintzas de disativare sa libreria Webclient, sa libreria ATMFD.DLL e is pannellos de anteprima e detàllios.