Chat Control at pèrdiu in su Parlamentu Europeu

S'11 de martzu de su 2026 su Parlamentu Europeu at aprovau un'emendamentu de importu a sa lei chi iat a ai permìtiu s'averìguu po mèdiu de algoritmus de intelligèntzia artifitziali de is arraxonus privaus in is aplicatzionis de messageria. Custa lei, connota comenti Chat Control, iat sinnificai sa fini de sa riservadesa e sa possibilidadi de fini imbistigaus de sa giustìtzia po una faddina de s'IA.

S'emendamentu, bòfiu de Markéta Gregorová (grupu Greens/EFA), permitit s'averìguu de is messàgius sceti aìnturu de imbìstigus pretzisus e sceti si autorizau de s'autoridadi giuditziària, duncas blocat sa possibilidadi chi totu is arraxonus nostus siant averiguaus in cali si siat momentu.

Custu emendamentu, comentisisiat, NO est sa fini de sa proposta, chi at a sighi a essi batalliada e chi podit essi ancora cambiada e torrada a presentai, duncas no si-nci podeus abarrai trancuillus dessintotu.

Regordaus chi si seis contràrius a sa proposta podeis bisitai su situ Fight Chat Control e sighi is noas de EDRi, giai connota po sa batalla sua contras sa guardiania biomètrica.