S'antitrust italianu puru est contas a Google

A pustis de s'antitrust americanu, puru s'anti-monopòliu italianu ipotizat un'abusu de sa positzione de domìniu de Google. Su problema custa borta est s'impreu de is datos pro s'elaboratzione de sa publitzidade.
Google est istada acusada de impedumare a is aziendas concurrentes de pònnere elementos de sighidura de sa navigatzione in su web de is usuàrios pro èssere s'ùnica a pòdere regollere custos datos.

Google at decraradu chi custas pràticas no fiant fatas pro esclùdere is concurrentes ma isceti pro cumprire is normas de su Regolamentu Generale pro sa Protetzione de is Datos, sa lege de s'Unione Europea pro amparare sa privatesa, e at decraradu sa disponibilidade a collaborare cun is autoridades pro acrarare sa positzione sua e fàghere a manera chi totus ant a pòdere tènnere su màssimu in s'impreu de Internet.