Adiosu a s'imbentore de GIF
Su 14 de martzu si nch'est andadu Stephen Wilhite, imbentore de su formadu de immàgine animada GIF. Teniat 74 annos e si dd'est pigadu sa Covid-19.
Nd'ant donadu s'annùntziu giornales e giassos meda, a incumentzare dae GIPHY, archìviu de gif animadas.
Wilhite aiat imbentadu su formadu GIF in su 1987 comente formadu lèbiu pro imbiare vìdeos curtzos a traessu de sa retze Internet, sende chi in cussu tempus is connessiones fiant lentas. Is gif animadas fiant famadas meda me is annos '90, ma a pustis ant lassadu su logu a Flash. Sunt torradas isceti me is ùrtimos annos, cando Flash est istètiu a bellu abbandonadu. Nde podemus bìdere medas me is retzes sotziales pro comunicare messàgios curtzos, pro tzitare iscenas de pellìculas o sèries TV e fintzas pro ispainare memes animados.
Sa primu gif animada de s'istòria de Internet dd'aiat carrigada issu etotu. Fiat custa:
Pro custu imbentu, Stephen Wilhite, chi s'est retiradu in s'incumentzu de is annos 2000, at retzidu su prèmiu a sa carriera de is Webby Awards in su 2013.
Fontis:
Cummenta