Facebook sighit a blocai sa publicidadi polìtica me is USA

Is eletzionis me is Stadus Unius parint fatas, ma Facebook at decìdiu de blocai po un'àteru mesi totu is annùntzius polìticus e de lassai ativu su Centru de Informatzioni apitzus de su votu po sighi a cuntrollai su contu de is votus, chi est prus longu po mori de su votu postali, chi genti meda at sceberau po sa dificultadi de si movi de domu in mesu a sa pandemia de Covid-19.

S'arraxoni de custa decisioni serbit a circai de firmai sa spraxidura de noas farsas, pruschetotu de su presidenti Donald Trump chi arrefudat de ammiti sa vitòria de s'aversàriu, sighendi a denuntziai trobeddus chi no est mai arrennèsciu a cumproai.

Unu mecanismu de sa pròpiu arratza fiat stètiu strantaxau po cuntrollai is noas apitzus de su Coronavirus