Facebook e is noas apitzus de COVID-19

Facebook e is noas apitzus de COVID-19

Avisu po noas de Covid-19De pagu tempus a oi, Facebook at decìdiu de gherrai contras a sa difusioni de is noas farsas, siat burrendi is càpius chi no arrespetant is "standard de sa comunidadi" (linguàgu gherristu, ratzismu, spam, etc), siat ponendi is etichetas de averiguu a is noas, cun s'agiudu de agentzias esternas. Custa solutzioni permitit de informai is impitadoris in contu de sa validesa de is noas chi funt ligendi, chena censurai is chi arresurtant farsas apustis de s'averiguu.
Cun s'evolutzioni de sa pandemia de COVID unu scenàriu nou est bessiu a pilu: noas beras chi funt bessias tropu bècias e donant imoi un'informatzioni faddia.

Sa solutzioni po custu problema assimbillat a sa de s'averiguu de is noas. Candu s'usuàriu cumpartit una noa in contu de su COVID-19, est amostau un'avisu chi ddi narat candu est stètia publicada e de aundi benit, donendi-ddi su scioberu de dda publicai comenti e chi siat o de lassai perdi.

Noa bècia FacebookCustus avisus, chena duda un'agiudu positivu, narant meda asuba a s'atentzioni chi ponint is usuàrius innantis de cumpartziri noas e àterus càpius. Tropu a fitianu, issus difatis si firmant a su tìtulu o no cumprendint in prenu su chi megant a spainai.

Cumenta

Categorias