Toshiba lassat su mercau de is PC

Cun unu messàgiu curtzu, Toshiba at decrarau in su giassu suu chi at lassau sa cuota sua de Dynabook a sa Sharp. Dynabook est su nòmini nou de Toshiba Client Solutions Co., Ltd a pustis chi Sharp nd'at comporau sa parti manna. In custa manera, Toshiba est bessida a foras de su setori de is elaboradoris personalis.

Fintzas a imoi, Toshiba fiat una de is asiendas prus de importu in sa produtzioni de computadoris mòbilis, mancai in is ùrtimus annus is prodùsius suus apant fatu pagu cuntentus medas de is usuàrius, cun sa cuncurrèntzia manna e is bèndidas chi depint fai is contus cun telefoneddus e tauleddas chi in medas famìlias ant pigau su logu de is elaboradoris.