Facebook at acetau de censurai is messàgius in Vietnam

Noas malas po sa libertadi de espressada me in Vietnam innui Facebook, a pustis de ai sunfriu pressionis de su stadu, at acetau de censurai is messàgius contra a su guvernu. Me is primus mesis de ocannu unus cantus serbidoris de sa retza sotziali fiant stètius studaus, limitendi sa disponibilidadi de sa prataforma po is usuàrius e su Vietnam iat incurpau Facebook de ai violau sa lei po sa ciber-seguresa, lassendi creai a is usuàrius messàgius anti-guvernu.

Imoi Facebook at decrarau de ai postu menti "amarolla" a sa cumanda de su guvernu de "limitai s'atzessu a cuntènnius chi at retentu illegalis".
S'arrexoni po custu, iat a podi essi sa boluntadi de Facebook de cunservai is guadàngius suus in su chi est unu de is mercaus prus de importu in Àsia.