Scoberta una debilesa grai in su cumandu sudo

Scoberta una debilesa grai in su cumandu sudo

CVE at sinnalau una debilesa grai meda in su cumandu sudo, su chi permitit de giai àterus cumandus comenti super-impitadori in sistemas GNU/Linux che Debian o Ubuntu. S'arriscu est mannu pruschetotu po is serbidoris Linux chi impreant su cumandu, poita ca abastat un'acessu simpri a su sistema po ponni in òpera un'atacu sfrutendi custa debilesa e pigai su controllu de s'elaboradori, comenti podeus biri in su vìdeu.

Sa debilesa est unu buffer overflow. Bolit nai chi unas cantu istrutzionis de su programa arrennescint a bessiri a foras de is làcanas de un'àrea de memòria innui si sarvant datus temporàneus. Custu permitit de ligi datus chi iant a depi essi amparaus o de ddus mudai sartendi is averìguus normalis e duncas mudendi su cumportamentu de su programa etotu.

Sa noa bella est chi CVE narat chi custa debilesa est sceti in is versionis innantis de sa 1.9.5p2, duncas at a bastai a annoai su sistema po dda evitai.

Cumenta