UE: is baterias depent èssere fàtziles a cambiare
Dae su 18 de freàrgiu de su 2027 is baterias de is dispositivos portàtiles depent èssere fàtziles de cambiare pro s'impitadore, sena dèpere impreare trastos professionales e malos a agatare. Ddu narat sa lege noa de s'Unione Europea chi punnat, in paris cun s'òbligu de disponibilidade de is partes de ricàmbiu pro 7 annos a incumentzare dae sa data de cummertzializatzione e de annoamentos de is programmas pro 5 annos, a ridùere s'isperdìtziu de dispositivos ancora bonos e duncas a isminorigare sa cantidade de àliga de dispositivos elètricos e eletrònicos.
