noas

Si-nd'est arraxonau a tempus largus, ma a sa fini sa decisioni dd'ant liada e annuntziada de manera ofitziali: Wikinews (o Wikinoas) serrat.

Forsis is prus giòvunus no dd'iant mancu mai intèndia, ma Skype, app chi permitit de scambiai messàgius e tzerriadas (tipu Whatsapp, Telegram, etc), est stètia de importu mannu po genti meda me is annus 2000 e sa prima parte de is 2010. Est stètia difatis una de is primas, e sa prus arrannèscia in giru de is annus 2010, chi permitiant de telefonai a traessu de Internet impreendi unu PC e, apustis, unu telefoneddu. Microsoft at comunicau chi dd'at a serrai ocannu, 2025, in maju.

Comenti annuntziau in duas noas de s'ANSA, Twitter at decìdiu de bogai is messàgius cun noas farsas apitzus de is vacinus contas a su Coronavirus. Youtube in s'interis at a incumentzau a bogai is vìdeus cun sa teoria de s'ingannu de is eletzionis in is Stadus Unius, bintas de Biden, cun Trump chi sighit a decrarai chi issu ddas apat bintas cun s'ingannu.