tauleddas

Dae su 18 de freàrgiu de su 2027 is baterias de is dispositivos portàtiles depent èssere fàtziles de cambiare pro s'impitadore, sena dèpere impreare trastos professionales e malos a agatare. Ddu narat sa lege noa de s'Unione Europea chi punnat, in paris cun s'òbligu de disponibilidade de is partes de ricàmbiu pro 7 annos a incumentzare dae sa data de cummertzializatzione e de annoamentos de is programmas pro 5 annos, a ridùere s'isperdìtziu de dispositivos ancora bonos e duncas a isminorigare sa cantidade de àliga de dispositivos elètricos e eletrònicos.

Si nde chistionat dae diora meda, ma a sa fine su Cussìgiu de s'Unione Europea at aprovadu unu formadu universale pro is càrriga-baterias de telefoneddos, tauleddas, computeras portàtiles e àteros dispositivos.

Microsoft Duo est un'aparatu chi simìgiat a una tauledda, ma partzidu  in duas alas chi si podent serrare che unu libru, cadauna cun un'ischermu de 5,6". Is duos ischermos si podent impreare a manera indipendente o a manera de formare un'ischermu mannu. Su dispositivu portat unu protzessore Qualcomm Snapdragon 855, 6 GB de RAM, 128 o 256 GB de memòria de massa, fotocàmera de 11 megapixel, connessione LTE e sistema Windows 10.