Si-ddus arregordais is telefoneddus BlackBerry? Annus a oi ant fatu sa stòria de is telefoneddus intelligentis, bessendi famaus in cussu setori cun is mòllius insoru, chi ant sighiu a portai una tastera fìsica impari cun su schermu a tocu. Abellu abellu, is BlackBerry ant tentu sèmpiri prus pagu sorti, acabendi cun sa noa chi cras at a essi studada dessintotu s'arretza chi permitit a is dispositivus cun su sistema BlackBerryOS de funtzionai.
Sa versioni noa de Android est bessida a prus de un'annu de sa de dexi e is dispositivus cumpatìbilis dda funt giai scarrighendi po s'annoai. Ia giai chistionau de unas cantu noas de custu sistema in un'artìculu de su martzu passau. Andaus a biri imoi una pariga de càmbius de importu po s'esperièntzia de impreu.
Google Play Mùsica est una de cussas aplicatzionis chi medas de nosu no impreant ma chi no fait a bogai de su telefoneddu, ca funt cunsideradas "aplicatzionis de sistema". Serbit a comporai mùsica, a sa pròpiu manera de iTunes e Amazon Music e permitit fintzas de dd'ascurtai comenti in Spotify. Comenti e chi siat, Google at decìdiu de dda serrai a fini de ocannu. Is funtzioni suas ant a essi postas a disponimentu de YouTube Music, innui is impitadoris podint portai sa mùsica chi ant giai comporau, po no dda perdi.
S'arregordais de Fairphone, su telefoneddu èticu?
Ariseu ant annuntziau chi su sistema /e/ est a disponimentu po s'ùrtima versioni de su telefoneddu, Fairphone 3.
A pustis de unus cantus problemas cun is telefoneddus A70, Samsung at dèpiu firmai s'annoamentu de su sistema operativu Android a sa versioni 10. Una parti de is usuàrius at tentu problemas mannus, cun telefoneddus chi signalànt sa bateria cumenti scàrriga e non s'alluiant prus. A cantu parit sa parti manna de is problemas sunt stètius signalaus de is Paisus Bàscius.
Totus scieus chi su progetu GNU bolit svilupai unu sistema operativu lìberu po is elaboradoris e a custu obietivu est lòmpiu cun is distributzionis GNU/Linux, pruschetotu cun is chi tenint programas lìberus sceti, che gNewSense e pagu
Est de pagus diis a oi sa noa de s'arribu de s'anteprima de sa versioni 11 de su sistema prus famau po is telefoneddus inteligentis. Custa anteprima est a disponimentu de is svilupadoris, chi podint incumentzai a averguai su funtzionamentu de is aplicatziones insoru.
