Versioni noa de eMule, 10 annus apustis

Mi parit de s'intendi domandendi "eMule? Ancora esistit?". Difatis, eMule fiat famau meda in is primus 10 annus de su 2000 comenti servìtziu po scarrigai mùsica, pellìculas e programas, ma a pustis medas funt colaus a Torrent e prus tradu a is prataformas de streaming. Su progetu de eMule no est mai mortu, mancai no apat arriciu annoamentus po 10 annus, e si preparat imoi a ndi bessiri cun sa versioni 0.60a. Sa beta est giai a disponimentu e bitit càmbius de interessu.

Is càmbius de importu prus mannu, segundu s'annùntziu ofitziali funt:

• Is abisus imbiaus cun protocollu de posta eletrònica SMTP podint impreai sa trasmissioni segura e s'autèntica.
• HTTPS podit essi impreau po scarrigai server.met, nodes.dat, filtrus IP e librerias de linguàgiu.
• A primìtziu s'intentat una connessioni imbelada cun su serbidori
• Mudàntzias in sa posta in òpera de Windows UPdP
• Mellus compatibilidadi cun is ùrtimas versionis de mediainfo.dll (libreria chi frunit informatzionis apitzus de archìvius multimedialis)

Custa nàscida noa de eMule est unu sinnali chi su scarrigamentu est torrendi a cresci, apustis chi sa genti iat preferiu a castiai is sèries e ascurtai sa mùsica in lìnia.