Adiosu a Cortana in iOS e Android

Adiosu a Cortana in iOS e Android

CortanaCortana, s'assistenti vocali de Microsoft est arribada in su 2014 impari cun Windows Phone 8.1 ma, comenti su sistema Microsoft po telefoneddus, no est arrennèscia a intrai in su coru de is impreadoris e duncas Microsoft at decìdiu de dda bogai de is dispositivus iOS, Android a incumentzai de su 2021. Dd'at annuntziau sa Microsoft etotu in un'artìculu in su giassu suu.

Lassat duncas su logu a assistentis prus famaus, comenti su de Google, Alexa e Siri. Cortana perou no at a sparessi dessintotu, ma at a essi amellorada in aplicatzionis de impreu professionali che Microsoft Teams.

Cumenta