Stracia Twitter contras a sa guardiania biomètrica

Stracia Twitter contras a sa guardiania biomètrica

Màgini de Tumisu pigada de Pixabay

Arregordais sa campànnia "Torra a ti pigai sa faci" contras a sa guardiania biomètrica?
Sa chèscia paxiosa contras a custa violatzioni de sa privatesa sighit e pedit oi de incumentzai una Stracia Twitter (narant issus Twitter Storm) cun s'ocasioni de un'atopu de su Cunsillu de Tecnologia e Cumèrciu (Technology and Trade Council).

Unu de is argumentus de custu cunsillu, narat su centru Hermes po sa Trasparèntzia e is Deretus Umanus Digitalis, est sa creatzioni de "ainas comunas po mesurai e avalorai s'impreu de s'identificatzioni biomètrica, inclùdiu su connoscimentu de faci".
S'arrespusta de sa campànnia est chi "no nci podint essi ainas po una cosa chi no iat a depi esisti" e pedit de manifestai sa contrariedadi a custas ainas, imbiendi unu Tweet a sa Cumissària Europea Margrethe Vestager e sa Segretària a su Cumèrciu po is Stadus Aunius Gina Raimondo. Ambas ant chistionau contras a sa guardiania biomètrica su làmpadas passau.

Su Tweet podit essi imbiau a manera automàtica sighendi custu ligòngiu.

Agatais àteras informatzionis apitzus de sa campànnia in su situ ofitziali.

Cumenta

Categorias