Whatsapp presentat sa modalidade iscura

Unas cantas aplicatziones giai dda teniant e medas impitadores dda isetaiant pro Whatsapp puru. Su blog ufitziale dd'at annuntziada su 3 de martzu.
Sa modalidade iscura est còmoda in is situatziones in ue sa lughe de su dispositivu podet istorbare sa bista. Whatsapp narat chi in su progetu de custa modalidade at chircadu de reduire sa pelea pro is ogros in s'interi de sa letura e de isseberare is colores pro evidentziare is informatziones prus de importu.

In Android 10 e iOS 13 sa modalidade iscura si podet ativare in is assètios de su dispositivu. Pro Android 9 tocat andare in su menù de Whatsapp e cambiare su tema a "iscuru".