Publicadu Smarty 4.0.0

Publicadu Smarty 4.0.0

Logo de Smarty. Immàgine de propiedade de New Digital Group, Inc.

Una bella noa pro is programmadores PHP de totu su mundu. Smarty, motore de templating PHP famadu, est lòmpidu a sa versione 4, a pustis de calicunu annu de paga atividade chi faghiat pensare a s'abbandonu de su progetu, sende chi programmadores medas me is ùrtimos annos ant preferidu Twig, su motore de su progetu Symfony.

Pro is chi no ischint de ite amegamus de chistionare, unu motore de templating permitit de separare su còdighe de un'aplicatzione dae sa presentada (o interfache) sua, faghende su còdighe prus lìmpiu e fàtzile de manigiare cun su tempus. Smarty est istètidu una de is primas librerias chi ant permìtidu de fàghere custa separatzione e est impreadu de progetos medas. Ancora oe est unu seberu bonu po programmas noos pro sa cumpletesa, sa maturidade de su còdighe suo e sa fatzilidade de dd'imparare.

Is noas de importu de sa versione 4 sunt prus che totu s'annoamentu de su còdighe pro sa cumpatibilidade cun PHP 8, prus s'iscantzelladura de unas cantas funtziones betzas.

Cummenta

Categorias