S'Unione Europea bolet su sistema operativu suo?
Sa ministra de sa finàntzia finlandesa, Katri Kulmuni, at propostu a s'Unione Europea de isvilupare unu sistema operativu e unu navigadore web suo. Sa motivatzione ufitziale est a fàghere su continente europeu mancu dèbile e reduire sa dipendèntzia dae pagas cumpangias.
S'idea no est noa. E difatis, sa Rùssia at isvilupadu cun su pròpiu motivu unu sistema operativu, Astra Linux, e sa Tzina tenet Kylin e COS.
Sa ministra at decraradu:
S'influèntzia inimiga pro mèdiu de su manìgiu de sas retzes informàticas e de sos datos est s'arriscu (de seguridade) prus mannu chi depamus afrontare in su benidore. Is cuncurrentes istadunidensos e tzinesos sunt in antis a nois.
Sa Finlàndia est su paisu de sa Nokia, sotziedade de importu mannu in sa produtzione de dispositivos mòbiles e aparatos de retza. Si podet duncas cumprèndere sa timoria de is atziones de sa cuncurrèntzia e de àteros paisos. No tocat a iscarèssere sa briga intra s'amministratzione de is Istados Unidos de America e su produtore Tzinesu Huawei.
Cummenta