It'est acuntèssiu a Napster?

It'est acuntèssiu a Napster?

Napster

Si-dd'arregordais Napster? Fiat famau meda intra su 1999 e su 2001 comenti servìtziu po scarrigai mùsica in formau MP3 e est sparèssiu apustis chi su grupu de is Metallica dd'at fatu càusa e unu giugi dd'at obligau a serrai e a pagai su dannu.

Napster at serrau su servìtziu de cumpartzidura de sa mùsica ma at provau a si furriai a servìtziu a pagamentu e est colau a prus propietàrius, finas a su mesi passau, candu dd'at comporau MelodyVR, prataforma de cuncertus in dereta (streaming).

MelodyVR, chi tenit giai is deretus a su catàlogu de Warner, Universal e Sony, est circhendi de s'amanniai e bessiri unu colossu de is cuncertus in realidadi virtuali.

Fontis:

  1. https://www.wired.it/economia/business/2020/08/26/napster-melodyvr/
  2. http://www.globenewswire.com/news-release/2020/08/25/2083025/0/en/MelodyVR-Announces-Groundbreaking-Agreement-to-Acquire-Music-Subscription-Service-Napster.html

 

Cumenta