Microsoft Duo est in cumèrciu

Microsoft Duo est in cumèrciu

Microsoft Duo est un'aparatu chi assimbillat a una tauledda, ma partziu  in duas alas chi si podint serrai che unu lìburu, cadauna cun unu schermu de 5,6". Is duus schermus si podint impreai a manera indipendenti o a manera de formai unu schermu mannu. Su dispositivu portat unu processori Qualcomm Snapdragon 855, 6 GB de RAM, 128 o 256 GB de memòria de massa, fotocàmera de 11 megapixel, connessioni LTE e sistema Windows 10.

No est su primu dispositivu cun su segundu schermu, sendi chi LG est sperimentendi custa solutzioni in unus cantu telefoneddus e ddoi at finsas dispositivus cun schermu chi si podit atrotiai, che su Huawei Mate XS. Microsoft Duo po su momentu est bèndiu sceti in is Stadus Unius po 1399$. No teneus informatzionis apitzus de s'arribu suu in Europa e cantu at a costai. De seguru, custu prètziu ndi fait unu dispositivu de lussu o po impreu professionali.

Cumenta

Categorias